城巴稽查黃燈停 龍運急煞4客傷

根據巴士車長通訊群組消息，2020年3月1號晚9點幾，龍運巴士一架12米版本Enviro 500型雙層巴士，由東涌行緊E31號路線去荃灣愉景新城、去到近東涌消防局嘅十字路口發生輕微車禍。

據巴士車長群組消息，當時巴士正駛近十字路口燈位，交通燈轉為「黃燈」，巴士前面有一架城巴嘅「稽查車」收慢停低，巴士急煞之下仍然碰上「稽查車」車尾。

依照流傳嘅現場照片，可以見到巴士同「稽查車」相碰之後，雙方車身無明顯大損毀。

不過巴士上有乘客表示喺巴士急煞時受傷，現場消息指出動咗3架消防處救護車，有4名巴士乘客要由救護員治理，其中2名受傷巴士乘客要由救護車送去急症室作進一步檢查。