巴士台「燈力」驚人？新加坡旅遊氣泡終極告吹

新加坡政府及香港政府响今日傍晚發表正式公佈，終止原訂咗一年而多次押後嘅「旅遊氣泡」計劃嘅商議，意即呢個計劃正式告吹。

具體係點同有乜分析當然唔會係呢度講啦。不過「坡港泡泡」呢件事，一直都係我哋 HK Bus Channel 成員同一眾友好茶餘飯後嘅話題。事關我哋响舊年製作咗一集介紹一部在香港保存嘅新加坡 SBS Volvo B10TL 退役雙層巴士。

响該集節目入面，請嚟前南區區議員 柴文瀚 做嘉賓，同 Uncle Lim 一齊暢談佢哋對呢部巴士與及「躝返新加坡」_{(去新加坡旅遊。典故係乜就唔講呢啲私人恩怨喇，客觀而言就是「唔抵幫」 )} 搭巴士嘅經歷。

响節目當中，「阿LIM」 同「阿柴」嘅對談有以下嘅爛GAG

先此聲明，唔止該集節目無受政府任何形式嘅資助，係整個 HK Bus Channel 連同 HK Car Channel 都係無得到任何政府嘅資助，包括XYZ發展基金。(該集節目嘅製作單是巴士/外勤車嘅油錢同全體人員午餐已經花費四位數)

在節目完成拍攝無幾耐，新加坡同香港兩地都爆發新一波武漢肺炎疫情，而兩地政府就第一次宣佈押後。於是乎本台嘅成員及一眾友好，就話我哋充滿「燈力」。

及後坡、港政府多次表示有意重開「旅遊泡泡」計劃，但每次宣佈後不久又宣佈押後，LOOP 咗幾次，每一次友儕間就話我哋「燈力」驚人咁話。而幾乎每次，都會有朋友貼文這一集節目。

是否有「燈力」就不得而知，只係知道這一集節目總算得到不少觀眾朋友給予正面評價，總算使我哋重振返在多媒體製作方面嘅信心。藉此機會向一眾觀眾衷心致謝。

當然亦「借啲意」邀請大家再次細心重溫這一集由香港、新加坡、澳洲三地朋友合力製作嘅節目。

(點擊⬆️⁠圖片⬆️⁠就可以去到 巴士台Youtube頻道 收睇)

之前未睇過嘅，快啲捧場啦。