Weisheit 威馳騰 油電混能 低地台小型巴士

講到香港的公共小巴，好多人嘅印象離不開「亡命飛車」；如果講到車款，就會諗到「慣性收視」、或「阿LIM」成日爆粗怒轟嘅 XX霸權，近呢幾年就會多一個課題 ── 低地台小巴。

其實响1969年小巴合法化之後，香港嘅小巴車款有好多個牌子，但不論來自歐洲還是日本的車廠，幾十年來都有一個共通點 ── 乘客上落嘅車門一定有梯級。

响2015年，立法會進行「公共運輸策略研究」咨詢期間，有人指出「小巴係香港唯一無提供無障礙運輸的公共交通服務」，認為政府應該檢討政策及法例使能「低地台小巴」得以普及。但接近六年的光陰過去，小巴無障礙運輸仍未有實現的可能。

除咗「無障礙運輸」，小巴响另一個交通運輸嘅議題都係「交白卷」── 環保減排。响2000年推出嘅石油氣小巴政策，其實十幾年前理工大學已經踢爆只係「眼不見為乾淨」的自欺欺人式環保，促成咗某個品牌的霸權式壟斷，更是客觀事實；

2013年推出嘅綠色運輸試驗基金，隨之出現的所謂環保小巴，車款寥寥無幾且質素低劣，只肥了某個打著環保旗幟的所謂專家博士的口袋。

縱使行業只圖「今朝有車有朝開」而一承不變，但「低地台化」係公共運輸必然趨勢；縱使地球上有唔少人借「環保」之名「呃飯食」，但減少污染仍然係必需要做事，「威馳騰」Weisheit 油電混能低地台小型巴士，就試圖同時實現兩個目標。

無錯，今時今日响香港以至全個地球 Made in China 可能係票房毒藥，但正如「阿LIM」又有經常言道「質素得嘅話之佢邊度造，唔掂嘅就話之佢英皇御准」。但「貴為」香港第一個中國製造汽車代理商，Jacky Lim 「劈兩轉」話已經「夠晒皮」知道龍定虫。

於是乎，「判官」唯有極度認真地測試呢部代理商特意安排運到香港做 Road test 收集數據嘅 Design by Hong Kong 嘅混能低地台小巴。

睇清楚啲…… 認真到全車放晒 57kg x 20= 1140kg 鐵板。影埋啲 Close shots 俾大家，絕對「有圖有真相」。

全集影片，已經上載到 HK Bus Channel 的 YouTube 頻道。

睇完記得點擊 訂閱，與及「撳鐘仔」以便可以隨時知道有新影片上架。

鳴謝：
中國商用汽車有限公司
力豐汽車服務

資料圖片 (除註明外)：
Jacky Lim
Terence Tse
Martin Oei

特別鳴謝：
華記膠輪電池公司
Ooh La La Printing and Production Limited
Fleet-1 Service Centre
Heritage Hunt