响機場旁的亞洲國際博覽館舉行嘅「國際環保博覽2024」完滿結束。參展商來自各種同環保有關嘅行業、機構、政府部門等，當然有電動車的展覽攤位。包括GMI、鄭州宇通，及廈門金旅。
GMI 展出一部電動「五噸半」貨車，及一部8米電動中型巴士
電動貨車驅動系統為峰值輸出達130kW (175HP) / 1200Nm 恆久磁摩打，配上107kWh 電池而預計續航距離約200km。特點之一係制動竟然係有如同級日本牌子柴油車的真空液壓迫力。而非同類型車種之慣常的氣壓迫力。電動車採用的電驅直空泵用於此類中型車種上能否匹配與及可靠性，相比氣泵的參考案例同數據是較罕見的。未知「屋仔」外觀與某香港暢銷嘅日本牌子相似之外，是否因由。不過的確有Test drive 介紹的價值。
至於電動中型巴士則屬於首度亮相，未知是否遷就乘客門於前懸嘅佈局導致外型頭長尾短，確實需要時間適應。
載客量32座位。摩打峰值輸出320kW / 2200Nm，相對總重達9.0噸嘅「健碩身軀」，理論上該有足夠動力。電池儲電量210kWh、續航距離約180km，對於會採用豐田 Coaster / 三菱 Rosa 的營運情況，或許算是足夠的。
仲有係業界久聞的12米電動旅遊巴。底盤嘅乾坤暫不多講，車身乃由「中港」建造的 CK2021 款式，載客量採用3+2佈局之65座位。
據悉此車已有旅遊巴公司訂購，現待出牌所需文件齊備就會正式出牌投入服務。
另一參展商冠上牌子「Vertec」，但車輛製造來自中国廈門的金旅客車。無錯，正是當年「19 vs 20」關鍵的廈門金旅。
展位上的綠色專線小巴早就在香港曝光。據代理方面透露，目前等待買家用以出牌的文件辦好，與及九龍塘的「集電弓充電」相關設施完成測試就會正式投入服務。不過，車廂內左尾轆上的座椅嘅狀況，可能反映住抵港後擺到依家嘅另外一啲端倪。
另一部白色的是19座位低地台小巴。最大特色係低地台區除咗可停放一張輪椅之外，尚有8個座位。算是已抵港的同類型車種最多「低地台區座位數目」的型號。代理指若客戶有需要，可以將該8張座椅轉為「可裝拆式」規格，使全車可容納3部輪椅。
除咗巴士小巴，展覽會場仲有宇通氫能垃圾車。與及我個人認為更值得留意嘅類似台灣 Gogoro 換電式電單車。
客觀而言，Gogoro 响台灣確實有其合理因素而成功，至於呢個HKSTP 嘅牌子响香港會係點，也許可是電單車駕駛執照排期接近兩年，但唔知就算依家去排期又一 TAKE PASS，呢款電單車連埋啲換電站唔知落咗地未了。
Be the first to comment