Toyota Coaster XZB80 *棍波* 純粹 Test Drive

唔好以為我哋好似玩針對先得㗎!

Toyota 豐田 Coaster XZB80 Afflucent Coach Services 豐裕旅遊車服務有限公司

响《Toyota Coaster 以為我哋一定無?? 一次過嚟兩代三部》嘅一集節目,相信已經令到唔少人刮目相看、大跌眼鏡甚至大吃一驚,不過坊間總有人嫌該集最少尚欠一部棍波嘅 B80,以至認為我哋(尤其是 Lim 叔叔) 評價車款未夠豐富。而事有湊巧,Uncle Lim 响該集駕駛嘅 Coaster XZB59 嘅車主「豐裕旅遊車服務有限公司」購置咗全新嘅 XZB80  而且仲要係棍波。既然咁啱得咁蹺,Lim 叔叔就單人匹馬做返一次純粹 Test Drive,深入一啲分析評鍳最新一代 Coaster。

由爬上司機位開始,能夠調校前後高低嘅軚盤,佢嘅反應已經應該比上一集更加「驚嚇」,因為唔再會「就得到對手,就唔到對腳」,亦可能唔再需要「揸完就要去睇跌打」。

性能操控表現方面,雖然傳動系統同上一代相同,雖然 B80 嘅車身較上一代 B59 車重增加咗,動力輸出對比未必有好明顯嘅分野,但前懸掛加裝咗防傾桿令到「劈彎」嘅表現更穩定,對於揸乜車都追求定嘅 Lim 叔叔嚟講應該相當之滿意。

乘客設備方面,乘客門摩打作出咗改良,閂門唔會令乘客或者路人突然被大嚇一跳,足見豐田廠方於呢一代 Coaster 所作出嘅改良可謂照顧周到。只不過閂門耗時嘅變化,也許會令司機感到有啲唔耐煩。但所謂「機械嘅嘢無絕對嘅答案」,到底要方便還是提升服務質素,可能係「視乎你想要乜嘢結果」

只不過,乘客座椅還不是日本原廠出品,而係香港本地廠商嘅出品,到底原因何在?或是既然係 Test Drive,Lim 叔叔到底有乜嘢評鍳見解呢?唔好話我哋唔提醒你哋,小心再跌爛多一副眼鏡!

全集影片,已經上載到 HK Bus Channel 的 YouTube 頻道

睇完記得點擊  訂閱 SUBSCRIBE   ,與及「🔔撳鐘仔🔔」以便可以隨時知道有新影片上架。

特別鳴謝:豐裕旅遊車服務有限公司

Be the first to comment

Leave a Reply

Your email address will not be published.


*