本台測試介紹過嘅平治 Sprinter EVM 車身低地台小巴之後，唔計可能係個別營辦商之揸流攤之舉，終於再有低地台小巴正式投入服務，就係同樣來自德國嘅 MAN 帶嚟其 TGE 5.180 低地台小巴。
MAN TGE 車系同平治 Sprinter 一樣，都係一種輕型多用途商用車；亦同樣地都係可以將車身進行「鬼斧神工」改裝工序成為小巴，以至今集測試介紹嘅低地台小巴。
(網上圖片)
MAN TGE 嘅車身改裝工序交予土耳其廠商 ILESBUS 操刀，採用稱為 i-City 嘅型號。最明顯嘅設計特色當然係側窗玻璃帶有線條造型。
另一樣亦算是特色嘅就係車門位置較平治 Sprinter 後，理論上載客量會較平治低，但車頂標註嘅載客量都係16座位，奧妙之處在於左邊車頭、駕駛室側有兩張唔少業界中人認為唔可能出現嘅「倒頭位」。
也許不論業界還是公眾會搲爆頭，但根據本港法例援引嘅 ECE-R80 安全標準，於歐盟議會的原裝版本條文的確沒有不容許「倒頭位」。所以呢兩張座椅嘅存在並非稀奇事情。
車廂設備比平治的不遑多讓，車門後嘅座椅佈局亦與前者大致相同。不過所謂「小巴三寶」之一嘅車速顯示器該會予人感到怪雞。
下 – 因運輸署有「指定認可供應商」名冊而要加裝嘅車速顯示器
ILESBUS 除咗因為倒頭位而要安裝多一個車速顯示器之外，尚有兩個與平常乘搭小巴時所見的款式一模一樣的「額外加裝」。箇中原因不妨欣賞影片內容吧。
至於操控表現如何，就由「判官」試過真，總之所有精彩內容盡在今集影片當中。
全集影片，已經上載到 HK Bus Channel 的 YouTube 頻道。
睇完記得點擊 訂閱 SUBSCRIBE ，與及「🔔撳鐘仔🔔」以便可以隨時知道有新影片上架。
特別鳴謝：MAN Truck & Bus Hong Kong Limited
Be the first to comment