經歷過接近三年嘅武漢肺炎，本港嘅經濟陷入極嚴峻困局，各行各業受到極嚴重嘅打擊，旅遊巴行業更可謂近乎滅頂。但俗諺有道「有危自有機」，而且不論從科學還是其他角度，總有否極泰來的時候，而香港三間巴士車身廠家其實早有部署，其中已有34年歷史嘅「亞洲車身廠」 自年前推出 Asia Vero 旅遊巴車身之後，乘勢運輸署早前以行政通告方式放寬非專營巴士車身闊度至2.55m，乘勢加推新款 Asia Vero II 車身，成為本港市場第一款「2.55m 闊」旅遊巴士車身。
首部 Asia Vero II 樣板車以 Isuzu LT434 底盤為基礎建造而成。車廂採用 3+2 座椅佈局，載客量 65座位。承蒙亞洲車身廠安排，本台得以為讀者、觀眾先睹為快。
點解仲有呢種咁迫夾嘅佈局？
不如問吓啲屋邨大旅行搞手點解2+2佈局舒服啲但就執住載客總數少啲而要求旅遊車公司嘅租金收平啲吧
新車身嘅特色除咗闊度達2.55m，為乘客區提供更多空間之外，車廂內飾比 Asia Vero 增加多啲點綴，其中最明顯嘅係走廊天花飾面採用「格仔車線」為標準規格，與及白色主燈光佈置改為「暗燈」光線投射至天花，避免光線直射使乘客感到刺眼不適。
駕駛室佈局與 Asia Vero 大同小異，錶板主體與 Asia Vero 相同款式，但司機椅左側多咗一個多用途儲物箱，同樣為標配規格配置。
亞洲車身廠向本台特別強調，Asia Vero II 並非取代 Asia Vero，而係同時提供兩款車身予買家選擇，即是 Asia Vero 並非停產。
(資料圖片)
至於會否測試及詳細介紹呢部 Isuzu LT434 底盤嘅 Asia Vero II ?? 始終已經「名車有主」，希望最終能夠安排得到啦。
全集影片，已經上載到 HK Bus Channel 的 YouTube 頻道
睇完記得點擊 訂閱，與及「撳鐘仔」以便可以隨時知道有新影片上架。
1 Trackback / Pingback