MAN ND363F Gemilang Lion’s City DD 11.7米 雙層巴士

德國嘅 MAN 雙層巴士自從大約2000年引入香港，雖然數量相對較少，但都算普遍。回顧返由最初的 Berhkof 車身 24.310HOCL 到最近期嘅 A95 底盤車系，足見德國廠方及代理對香港市場努力不懈。而相對較獨特嘅機械規格及車身設計深得乘客愛戴，與及好些車長嘅鍾愛。

另一方面，雙層巴士早已成為香港公共交通用車主流，但一直集中於港九新界，大嶼山亦只有北岸嘅東涌、有隧道貫通嘅愉景灣才見到蹤跡。雖然幾年前有雙層巴士引入並安排行走嶼南道嘅路線，但相對當年「勝利二型」跑遍梅窩至石璧，仍只算九牛一毛。

MAN Truck & Bus 在港業務由德國廠方直接主理之後，更積極拓展專利巴士市場。除繼續與長期巴士車身合作夥伴馬來西亞的順豐客車 Gemilang Coachwork 供應巴士車輛之外，更試圖針對「群山峻嶺」路段，設計及製造出呢部以 ND363F 底盤為基礎嘅雙層巴士，冀業務找出突破點。

要應付山路首要條件在於靈活性，因此 MAN 及 Gemilang 決定縮短總長度至11.7米 (實際長度11680mm)，換上响歐洲已開始普及嘅電子睹後鏡，使維持三車軸規格的穩定性而獲得最佳嘅靈活性。

要「劈山」當然要配上馬力充沛嘅引擎同合適嘅波箱尾牙配搭，亦當然要有高效能嘅制動系統。D2066 引擎 360PS / 1800Nm 嘅動力輸出，搭載 ZF 六前速自動波箱，與及電子分配制動力全風式迫力，就咁睇應該「夠做」，實際係點？梗係要搵段山路走返轉先至得啦。

呢部由 MAN Truck & Bus Hong Kong Ltd 特意安排嘅樣板車，在去年運抵香港並在「香港國際汽車博覽 IMXHK2021」展出之後，慶幸得到代理安排，成為本台第一集介紹測試嘅雙層巴士。

雖然係「巴士台」，不過 Uncle Lim 好似未正式揸過雙層，為確保試駕評測嘅準確程度，有必要作出更妥當嘅安排。另外，當日下著濛濛細雨，我哋唔會介懷好似拍攝效果「爭咁啲」，反而會認為咁先至可以「見真章」，例如制動系統，更當然唔少得呢部車其中一個重點特色嘅電子睹後鏡。即係點？睇片啦

全集影片，已經上載到 HK Bus Channel 的 YouTube 頻道。



睇完記得點擊 訂閱，與及「撳鐘仔」以便可以隨時知道有新影片上架。

特別鳴謝：MAN Truck & Bus Hong Kong Limited

規格資料簡介

底盤部份
型號：MAN ND363F 3-axled

引擎型號：D2066 LUH
形式：臥式直列六氣缸，共軌燃油噴注，渦輪增壓連中冷器柴油引擎。符合 Euro 6 環保標準
排氣量：10,518cc
最大馬力：360PS/1700rpm
最高扭力：1800Nm/1000-1400rpm
變速箱：ZF EcoLife 6AP2000 6前自動波箱，附內置液壓減速器

制動系統
全風式雙迴路，電子控制制動力分配，六輪碟式迫力，ABS 及 ASR

縣掛系統
六輪全氣墊式，全電子控制車身穩定系統。設有左前角「蹲下」功能

車身部份
車身建造：Constellium Gemilang EcoRange® “Lion’s City DD” 全鋁合金結構車身
車輛尺寸 (長x闊x高)：11680 x ≤2550 x 4430mm/h；軸距4550mm
設計總重：23700kg

乘客門：
前：MASATS 電動內擺式。手動開合輪椅斜板
後：MASATS 電動外擺式

載客量：
上層55座位，下層22座位，企位44 (設計空間計算)

其他特色設備：
– 電子睹後鏡
– 3D 感應全車/上層載客量顯示
– 側窗透視式顯示屏「動態乘客資訊」屏幕

以上資料僅供參考。所有規格以生產商 MAN Truck & Bus 及代理商 MAN Truck & Bus Hong Kong Ltd. 公佈為準