
來自運輸及房屋局嘅文件清楚顯示青嶼幹線繁忙時間使用量已達75%,似乎將唔少市民對月底通車嘅屯門赤鱲角隧道能舒緩屯門公路擠塞嘅希望幻滅。另一方面,政府扼殺渡海小輪服務嘅意向亦可謂「表面證據成立」。但撇除種種陰謀陽謀諸如此類嘅負面因素,復辦渡輪服務嘅最大阻力,其實可能係來自市民本身。
莫講話好多人習慣咗「拜鐵路教」,回想當年西隧通車開辦960號線之後,就連步距幾分鐘嘅蝴蝶邨、湖景邨、兆禧苑…… 嘅居民,都在政客棍配合政府「突襲殺害」黃金海岸至中環渡輪然後成功爭取962號線巴士後一窩蜂以實際行動表態放棄渡輪。
無錯,逾$3嘅票價差距係好大嘅誘因。所謂小數怕長計,於是情願日塞夜塞甚至企足全程也不願行幾步路去碼頭,如今又會有幾多街坊悔不當初?

碼頭隨著填海造地遷移但又欠缺足夠配套交通,亦使就算無遺忘渡輪嘅市民減少搭船嘅意欲。如果碼頭有完善、快捷、方便嘅接駁小巴或巴士線,有幾多市民真係會對渡輪服務「回心轉意」?相信更可能的是仍然糾纏於「錢」嘅問題,爭在係票價,或是「碼頭」不是物業資產升值嘅因素。
無論如何,要解決屯門公路擠塞,屯赤隧道應該唔得,繼續「拜鐵路教」亦可以話肯定唔得 (得嘅話,2003年得咗啦),點解唔考慮吓「水路」會唔會得?坐半個鐘多啲,記住係坐,想企都無得你企,最多駁多一程巴士或小巴,抑或繼續企最少20km,再如果「串燒」甚至「反貨櫃」腳軟之餘仲要忍住唔好瀨 _ 瀨 _ 唔得你死?各位攝高床板慢慢諗。

至於錢 (票價) 嘅問題,呢個係連埋碼頭接駁交通配套,都係政府嘅事。又無錯,當今嘅政府唔做嘢或亂做嘢甚至做7嘢大家都吹佢唔L脹,但大家繼續只會「拜鐵路教」,政府就直情唔駛做嘢….. 囉!
今集「阿Lim」繼續同 香港公共交通智庫 幹事 陳迪遙 (Ticky) 探討復辦渡輪可會是公共交通角度舒緩屯門公路擠塞嘅方法,仲會拋出一個 中環碼頭 接駁交通方案!
節目分上、下兩集,均已上載至 HK Bus Channel 的 YouTube 頻道。
睇完記得點擊 訂閱,與及「撳鐘仔」以便可以隨時知道有新影片上架。
Be the first to comment