房車東廊從後撞 城巴毀尾無客傷

2020年3月31號晚大約2320時，城巴1架行緊788號路線嘅Enviro 500 MMC Facelift雙層巴士（車隊編號：8537，車輛登記：VP850），喺開去小西灣期間，上咗東區走廊去到東行北角入口附近遇上車禍。

據當時巴士上嘅乘客所講，巴士當時速度平穩，並無明顯減速，但突然被尾隨嘅1架房車猛然撞上巴士尾部。

由乘客提供嘅相片見到，巴士右側尾部損毀較為嚴重，巴士引擎蓋扭曲變形，車尾「車牌」都散咗。

報料乘客表示，現場應該無巴士乘客受傷，而咁啱有1班城巴789號路線巴士「跟尾」，被撞巴士上嘅乘客可以「無縫轉車」。