九巴城巴皆減班 103P暫停駛

2020年，新型冠狀病毒（武漢肺炎）持續肆虐致使香港經濟同埋社會運作大受打擊，公共巴士乘客人次暴跌，各間巴士公司近日再度提出縮減班次。

其中九巴同埋城巴上繁各開一班嘅103P號晨早特別班次過海巴士路線（蒲飛路→旺角（染布房街）），平日客量向來已經偏低，近月受疫症打擊下客量再進一步減少。

有見及此，九巴決定自2020年12月10號開始，暫停0805時開出嘅班次；其後，城巴亦決定自2020年12月11號開始，暫停0740時開出嘅班次。

換句話講，即係103P號晨早特別班次過海巴士路線陷於完全停駛，而同一時間，九巴同城巴都未能提出恢復行駛嘅可能日期。