【完了吧，如無意外】東鐵又無紅磡←→旺角東服務

因應沙中綫過海計劃中牽涉嘅拆除原有路軌、鋪設875米路軌、安裝1.3公里架空電纜工程，2021年1~10月期間（除咗3月），個別嘅指定星期日，港鐵東鐵綫來往紅磡站至旺角東站列車服務會暫停服務。

嚟到預定嘅最後1個月，港鐵揀咗最後1日：

10月31號

由頭班車開始，港鐵會暫停東鐵綫紅磡站←→旺角東站列車服務，直至當日港鐵服務時間完結，屆時將維持一如之前嘅安排，提供免費接駁巴士來往紅磡站同埋九龍塘站，但唔停旺角東站。

應該…2022年夏天東鐵真係「過到海」，到時睇吓每抽車得返9卡會搞到繁忙時間點先。

而當政府喺政策上向某啲公共交通傾斜，其實都係不斷削弱成個社會嘅應變能力。