【小城故事】搭完巴士唔見人？ 九巴宣傳齊尋人！

根據「縱橫巴士綫．BusLanes」消息，較早前九巴曾經刊登一份尋人啟事，指出一名輕度智障嘅學生喺家人送去搭巴士之後失蹤。

面對香港過去一段日子入面，社會彌漫住一種只為個別利益而努力嘅風氣， 乃至近月社會演化到只係重視政見多於公義，九巴今次雖然只係做咗一件「小事」，但對比其他大企業乃至政權對社會嘅「唔太關心」，呢一種「小仁小義」已經足以鼓舞人心。

經過一番努力，失蹤人士最後搵得返，雖然唔知道前線同工幫到幾多，但需要銘記「莫因善小而不為」――社會嘅不公不義往往就係由不為小善而慢慢積累，每人肯喺自己能力範圍行一小步，結果加埋就可以改變世界。