紅磡海隧路不通 免費渡輪解困局？

因應紅磡海底隧道設施未能喺短時間重新開放通車，為方便市民，運輸署由2019年11月20號開始安排特別免費渡輪服務。

免費渡輪有2條路線，包括：

• 來回紅磡（南）渡輪碼頭至灣仔公眾碼頭（近金紫荊廣場）
• 來回九龍城馬頭角公眾碼頭至灣仔公眾碼頭（近金紫荊廣場）

渡輪服務時間為07時至19時，繁忙時間每30分鐘一班。

按11月20號朝早所見，渡輪由富裕小輪有限公司同埋翠華船務（香港）有限公司提供，喺灣仔上落船位置係金紫荊廣場對開嘅梯台。

不過照現場所見，由於頗多乘客乘坐渡輪，上落都要一啲時間，渡輪班次未必能夠跟足時間表。

依家繁忙時間話30分鐘一班，但兩條航始終係同樣喺灣仔揀同一個承載力好有限嘅碼頭，編定間隔係15分鐘。不過繁忙時間淨係上落船都超時，今朝有船係比原定時間超出9分鐘先至完成上落船。

而19時就尾班，又係咪真係有心幫市民呢？