後援會連續三年「姜誕」請全民免費搭電車

熱鬧嘅430「姜誕」就嚟到喇！姜濤香港後援會連續第三年同香港電車公司合作，喺嚟緊嘅4月30號，姜濤生日（姜誕）當天，搞個全民免費搭電車嘅活動，同香港市民一齊慶祝姜濤25歲嘅生日。

而後援會亦安排咗五部裱上三款唔同廣告嘅「姜濤號」電車，佢哋分別係 #47、#80、#140、#158，同 #171。廣告電車已經投入咗服務，喺4月期間會喺唔同時間同路線出現，各位「姜糖」唔知你哋有無遇到呢？

銅鑼灣亦一如之前幾年，喺近住軒尼詩道、記利佐治街，同埋東角道交界，已經變成咗「姜濤灣」喇，銅鑼灣地帶同金百利外牆，都有慶祝姜濤生日嘅戶外應援廣告。而家行過少少嘅皇室堡中庭，就有後援會舉辦嘅應援活動。

記住喺4月30號，把握呢個難得嘅機會，同姜濤一齊享受免費乘車嘅樂趣，同時都要留意銅鑼灣嘅各種驚喜等緊你！一齊慶祝「姜誕」，玩得開心啲啦！