新創建喺2020年8月將新巴、城巴賣畀私募股權投資公司善水資本（Templewater）帶頭組成嘅合營公司匯達交通（Bravo Transport），有關交易喺2020年10月15號完成。
到2021年2月，匯達交通聲稱為業務完成全面初步檢討，結果顯示公司需要更聚焦喺「一個為乘客提供優質巴士服務」嘅企業文化，並且需要即時招聘300名新巴士車長以達成目標。
但喺呢個新「策略」下，匯達交通「發現」有幾個「效益未如理想」嘅地方對業務構成直接影響，認為管理團隊以及架構需要進行重組，去到2021年2月26號合共「減省」咗84個後勤職位。
連日裁員引起公司內部一度混亂，新巴職工會對此亦發出聲明表示震驚、失望及憤怒。尤其喺2020年股權轉讓、匯達交通接管新巴、城巴時曾經承諾「保就業、保福利、保薪酬」，但匯達交通嚴重違反當初向員工嘅保證以及承諾。
自2020年終開始，匯達交通喺新巴、城巴實施多項「節流」措施，當時由寫字樓到前線都願意配合公司政策，但結果有一班多年嚟最致力貢獻嘅員工喺只得到僅僅合乎法例要求，並會透過強積金對沖嘅「補償」之下被裁走。
結果有員工一度喺巴士廠範圍貼出抗議標語：
有員工更加指出，新任嘅外籍最高管理層一味只想將英國、新加坡嗰一套運作模式直接搬過嚟香港套用落新巴、城巴，範疇涵蓋一般行車習慣以至車站配套，對香港公共巴士運作嘅質疑包括：
- 點解巴士要打尖埋站？
- 點解大站無「food court」？
- 點解巴士車長唔自己掃乾淨架巴士而要搵「外判」？
- 點解成日話「無budget」？
呢一啲無視香港公共巴士服務喺本土有獨特限制同困難嘅質疑，有員工直言「根本三個國家三種制度都唔同」，一係新任管理層有心有力推倒成個香港多年嚟嘅有問題制度，一係佢哋只係「齋講」而任由員工繼續受苦。
嚟到2021年3月16號，匯達交通經人才管理部發出通告，指已經完成重組寫字樓架構，新架構之下分成四大範疇：
管理層聲稱有助提高營運效率、加強部門之間協調，建立更美好同強大嘅業務…係咪可以「如願」，大家拭目以待。
不過咁啱行政會議同一日批准咗新巴、城巴（除專營權（二）以外）分兩次合共加價12%，對員工就業有無多咗保障？哦…「我哋真係好撚鍾意香港」。
1 Trackback / Pingback