全港首部單層生肖巴士面世

話咁快癸卯兔年就快過去，象徵氣勢同生猛嘅龍年即將嚟到。各間巴士公司都一如以往地推出「生肖巴士」去同市民歡渡佳節。

今年新大嶼山巴士就破除傳統，首次以單層巴士作為龍年生肖巴士嘅主角。車牌TT1858，配上馬來西亞順豐（Gemilang）車身嘅 MAN RC2 單層巴士，裱上以螢光粉紅色為主調嘅底色，以「飛龍躍騰」為主題附以金黃色嘅祥雲圖案，配上彩繪瑞龍，遠望都十分搶眼。

巴士完成裱裝同拍攝官方照後，噚日（24號）傍晚旋即投入服務，行走11號線往返東涌同大澳。嚟緊相信喺東涌、港珠澳大橋口岸，同嶼南一帶都可以搵到佢嘅蹤影。如果你想「帶佢返屋企」，憑車身上出現模型公司嘅標誌，亦都應該好快會有機會，你懂的！

＊相片由新大嶼山巴士提供，特此鳴謝