【天星小輪】保險公司175歲生日 先請全港市民免費過海

Prudential plc（保誠）喺1848年成立，嚟到2023年正好係175週年誌慶，並且同步慶祝佢哋喺亞洲經營100週年。保誠表示佢哋秉持集團嘅創始原則——以誠信、穩健、審慎態度，為客戶提供長期保障，並且為經營所在社區創造社會以及經濟價值——所以一直不遺餘力，幫助一代又一代嘅家庭活出豐盛人生，竭誠為全香港超過130萬位客戶服務。

保誠為咗慶祝成立175週年，舉辦多項與眾同樂嘅活動，其中喺2023年5月30號就以「我生日 你有份」做主題，舉辦「天星小輪免費乘船日」，當日人人都可以免費乘搭天星小輪「尖沙咀←→中環」航橫渡維多利亞港。

保誠表示天星小輪係深受香港人愛戴嘅標記，每日吸引大批市民同埋遊客乘搭。作為一間以守護客戶、幫助佢哋活出豐盛人生為目的嘅公司，希望利用提供天星小輪免費乘船服務嘅機會，藉此為市民打氣。

保誠呢次贊助亦進一步証明佢哋支持香港作為全球商業以及旅遊樞紐的決心。

保誠集團戰略事業群總裁兼保誠中國內地、香港及台灣保險業務負責人吳立賢表示：「175週年係保誠一個重要里程碑，我哋希望同全港市民一同分享呢份喜悅同埋歡樂，仲藉此機會宣傳香港獨有嘅文化遺產。香港係保誠嘅高增長以及高潛力市場之一，我哋期望喺客戶同埋社會中繼續擔當重要角色。」

保誠仲會贊助其他活動慶祝佢哋嘅175週年，其中一個仲會係同維多利亞港有關嘅㖭，依家已經準備就緒，嚟緊2023年6月1號公佈詳情，大家拭目以待。