城巴公佈新巴品牌合併安排

為迎接新巴及城巴（專營權一）於今年7月1日合併至全新嘅城巴（市區及新界巴士網絡專營權），城巴喺今日於香港海洋公園萬豪酒店舉行發佈會，向傅媒介紹新巴車隊、車長制服及車站設施逐步轉換至城巴品牌的計劃詳情。而城巴亦喺海洋公園車廠，展示新巴車隊過渡嘅車身塗裝安排及車長服装。

先講過渡性巴士塗裝，新巴巴士喺合併初期，會沿用綠頂橙底白色車身，車上嘅新巴標誌會由城巴全新標誌「Citybus」取代。而車身上層旁板亦會裱上「7月1日起，由城巴接棒」嘅橫額式告。

而新巴車長過渡城巴後，將於稍後陸續鑊發城巴制服。而喺收到新制服前，車長會以配有城巴標誌嘅胸牌，遮蓋舊有新巴標誌，並會鑊發新嘅工證及頸繩以茲識別。

長遠而言，城巴將會配合品牌形象，全面更新車隊塗裝。喺嚟緊6月9號到18號，由公眾投票喺五款候選車身塗裝中選出兩款，再交由員工喺六月下旬再選出車隊形象嘅最後方案。之後就會陸續為旗下車隊轉用新嘅車隊塗裝，預計2025年底可以完成翻噴所有由新巴過渡嘅巴士。