樹木伸咗出馬路 九巴揩到劏開頂

話說早幾日九巴有架雙層巴士喺灣仔揩到路邊伸出嚟嘅樹，搞到爆咗幾塊玻璃。

路邊棵樹伸出嚟 巴士駛經「掃玻璃」

2021年3月4號朝早，智能電話通訊軟件群組又流傳一組照片：九巴又有雙層巴士揩到樹！

事發大約7點半，現場係九龍灣MegaBox同零碳天地之間嘅一段臨豐街，今次又係因為路邊棵樹生到伸咗出行車線。

消息指九巴一架E500 Turbo型12米雙層巴士（車隊編號：ATENU739，車輛登記：TS1543）做完N691號通宵線服務之後，正喺返回九龍灣巴士廠期間，去到臨豐街，因為要避開1架上落緊貨嘅貨車同1架倒緊後嘅貨車，扭軚就揩到路邊棵樹伸出嚟嘅部份。

事發後，九巴工程人員同警方都有到場處理。

九巴工程人員其後拖走巴士，可以見到巴士右側上層車頭部份車頂被劏開，車架有損毀，玻璃碎晒，幸好當時並無載客，據悉無人受傷。