屯門公路九巴撞「28座」意外 快速公路切勿胡亂落車檢查維修

綜合傳媒報導，今早大約9:55 屯門公路往屯門方向近掃管笏發生一宗嚴重交通意外，一部「28座」小巴款旅遊巴懷疑有故障，司機將車駛埋一邊欲進行檢查，未幾一部九巴 ADL E500MMC 雙層巴士駛至撞向「28座」車尾，疑因衝力巨大導致旅遊巴司機嚴重受傷，送院搶救延至中午後不治。

兩部巴士均損毀嚴重，雙層巴士左邊車頭毁爛，但「28座」的損毀程度更嚴重，從報導照片所見右邊車尾至尾轆的後懸部份完全被劏開，部份座椅飛脫，底盤車陣亦已變形。可見事發時衝力非常巨大。至於肇事嘅九巴為何會撞向據報停在路肩嘅「28座」就有待調查。

先向傷者及身故的旅遊巴司機的家屬表示慰問。意外無人想發生，更是一如過往多次的指出，意外成因有多方面，不可能單純車速「過快」 (最安全車速係0)，安全帶亦不會是避免同類悲劇再次發生的萬能Key。另一方面，盧覺強曾言道「玻璃纖維猶如紙扎」的雙層巴士的損毁程度比「車尾真係係鋼鐵」的豐田 Coaster 為輕，也能肯定巴士車身結構不會是今次意外的重點。反而有報導指「28座」司機懷疑輪呔有事而停車並落車檢查，似乎更可能係今次悲劇的關鍵之一。

如果在快速公路上駕駛期間發現車輛有故障，駛入路肩停車係正確嘅做法。而根據《道路使用者守則》，乘客及司機應盡快在安全情況下落車並離開路面，等候支援車輛/人士抵達，而唔係貿然做檢查或者維修。如車上有「壞車警告牌」就在安全情況下擺放壞車後最少50米。

當然，如果要致電車房「救車」，師傅都必定想初步了解車輛的故障狀況，難免可能要做一啲檢查。但都必須注意安全，盡量避免在車頭進行，致使萬一有司機「發雞盲」撞上而後患無窮。

具體的肇事原因當然有待調查，但唔該盧覺強、李耀培之類嘅磚家收埋你把臭口，切勿亂噏廿四對公眾煽動無謂恐慌。計中學 physics 算式除咗俾記者「霸版面」之外係無助改善道路安全。