巴士播歌大音量 只顧自己正能量

是咁的，正當香港人經歷緊多個月嘅軍政府式統治，再加上被新型冠狀病毒（武漢肺炎）衝擊，市面一片哀嚎之際，有市民就繼續自發喺搭巴士嘅時候「振奮乘客」！

即係咁，2020年2月18號朝早1045時左右，喺九巴一班28號路線巴士上面，有位乘客可能係見其他乘客無乜精神，所以就自己決定幫大家提神而用揚聲器播吓歌，一同分享吓佢嘅歡樂！

可惜其他乘客就唔領情，側邊嘅乘客就覺得呢啲「正能量」極為滋擾佢哋，甚至出動過多次勸喻錄音之後，「正能量」仍然無動於衷，唯有上網向網民共享「正能量」嘅「德行」。

嗱，反正之前講過…呢個世界總有一啲物種（俗稱畜牲）係無社會責任意識嘅…