【澳門巴士】開始於2月5號巴士服務有改動

配合對抗新型冠狀病毒（武漢肺炎）疫情同埋善用資源，澳門交通事務局經檢視實際情況同埋需求後，喺2020年2月4號晚公佈，由2月5日頭班車開始，實施多項臨時巴士服務調整，直至另行通知，包括︰

5X、10X及MT5路線巴士暫停運作；
除咗18條來往澳門與離島、山頂醫院、鏡湖醫院、青洲跨境工業區或港珠澳大橋邊檢大樓嘅巴士路線維持原服務時間外，其餘日間常規路線將提早喺夜晚10點30分開出尾班車，並按實際客況開出特別班次以應付緊急需求；
往返澳門大學校園之71、72、73路線只會喺部份時段駛入校區路段，其餘時段則只會去到位於西堤馬路嘅臨時巴士站做終點。

澳門交通事務局呼籲公眾留意同埋理解上述安排，並再次提醒，乘搭巴士必須佩戴口罩。局方會持續留意最新情況，適當咁調整同埋公佈巴士服務有乜改動。

【特別通告】根據特區政府規定：為防範新型冠狀病毒，由今日（2月3日)中午12時起，乘搭巴士之乘客必須佩戴口罩方可上車，否則車長有權拒絕乘客使用巴士服務，敬請合作！
Posted by 澳門公共汽車股份有限公司 on Sunday, February 2, 2020

表一︰巴士臨時停駛安排

表二︰日間巴士路線尾班車安排

路線	尾班車安排
6A、6B、7、8、8A、17、18、18A、19、23、25、26、27、28C、56、101X、102X 、MT4	保持原本開車時間
其餘日間常規路線	提早喺夜晚10點30分開出尾班車(假如尾班車早於呢個時間就維持原有安排)

表三：71、72、73路線臨時調整

時段	具體安排
上晝8到11點、下晝5到8點	每半個鐘開一班車，按原路線行駛。
其餘運作時段	去到西堤馬路，會改停「澳大河隧/高爾夫俱樂部」或「澳大河隧/西堤馬路」臨時巴士站作為終點站，唔入澳大校區。