新車光鮮顏色艷 巴迷乘客都鍾意

城巴有限公司新購入嘅富豪B8L，最初兩架已經喺2019年12月3號出牌，其中不設行李架嘅 #8806（WM5165）喺12月5號傍晚去中環行X962號路線。

中環傍晚寧靜夜 大家開心影新車

至於設有行李架嘅 #8800 （WM5832）亦喺12月8號去到22號路線首航，而翌日夜晚就跳咗去行619號路線。

話就話 #8800 呢架新巴士喺首航之後第二日開工已經唔似首航嗰日咁吸引到一大班巴士迷猶如狂風浪蝶咁一味「追捕」，但簇新嘅巴士去到總站難免吸引眾人目光，講緊係除咗巴士迷以外，其他巴士車長同乘客都投以注目禮。

有乘搭619號路線嘅長者乘客，一見到可以坐到新巴士，仲即時合照「打卡」同親友分享「喜訊」！ (^+++^)y

而另一邊廂，有人一見到 #8800…係直情拋開朋友就衝出去影相… (=_=)” …希望佢朋友唔會嬲啦！話晒迷巴士都算正當嗜好嚟嘅。