買架電車返屋企？ 遙控玩具喜唔喜？

香港電車一向都係舉世知名嘅香港特色，而芸芸電車之中，仍然孭著最貼近戰後式車身嘅 #120 電車就更加係地位不凡。

【車輛講故佬】服務香江七十載 戰後電車風華在

2016年成立嘅彼樂部創作有限公司，一直以「KONSEPT」為商標，推出一系列仿真遙控車玩具。而喺近日推出咗一款新嘅仿真遙控車玩具：智能遙控積木電車 KB120。

今次佢哋公司得到香港電車有限公司授權，利用 #120 電車做藍本，盡量依照原車仿真設計，務求精細製作呢件玩具。

香港電車另一個經典就當然係「叮叮」聲啦！呢款電車玩具係包埋「叮叮」聲，據講仲要搵原車直接錄音添！

至於講吓科技嘢，呢款玩具除咗可利用遙控器之外，如果識用智能電話，就可以玩埋語音功能、路徑規劃、體感控制、可編程STEM等…

如果話想簡單啲純粹當「車仔」咁玩，呢款電車玩具配件有10條軌道、1個L型電機、1個2.4G鋰電池盒、1個2.4G遙控器…而再簡單啲只求「砌嘢」，佢就係2528粒膠積木，都夠砌幾個鐘頭嘅！

而且…車門可以活動㗎！

仲有得揀目的地喎！

當然，如果要買一件咁樣嘅玩具返屋企，可能首先要考慮點樣可以順利咁樣「過到海關」，佢個比例係1:18，車身尺寸就係47.5 x 10 x 23（厘米），睇落就唔係霸到好多地方嘅啫！ (^_^)

至於有唔少人成日都話講錢傷感情，呢架嘢正價賣到999蚊，不過由依家去到2019年12月31號呢段時間提早預訂嘅話，折實都只不過係需要799蚊咋！

到貨日期大約就係2020年1月初，前前後後加埋啲時間應該都足夠大家諗定藉口點樣去「報關」，甚至乎諗定點樣秘密「走私」返屋企嘅。

睇啱就買啦！ (^+++^)y