卫队進攻各大學 市民多區齊堵路

香港军政府卫队持續攻擊香港各地，由街道、商場、屋苑…到大學，為抗衡军政府卫队行動，市民喺多區自發「開花」堵路。

其中喺銅鑼灣，军政府卫队喺記利佐治街集結，崇光百貨對開嘅過路處則有市民走出馬路，行車中斷，公共巴士倒後經波斯富街離開，其後大約2140時卫队帶埋消防人員出動。

至於較早前傳出有九巴巴士車長襲擊後生仔嘅藍田，啟田商場對開有市民喺馬路放磚頭阻礙行車。

而巴士總站消防鐘被敲響，但未見啟動消防花灑。

睇完東九龍，睇埋西九龍…深水埗欽州街/長沙灣道交界、旺角彌敦道/亞皆老街交界等已經被市民以雜物同營火佔據。

新界區方面，吐露港公路被封，有一眾司機「和你塞」；石門濱景花園一帶都有市民搬出雜物堵路，而咁啱第一架遇上呢個堵路路障嘅公共巴士就係新巴 #5581…即係黃昏時喺銅鑼灣「被裝飾」嗰一架… (=_=)’

行文至此，九巴同龍運已經停駛，巴士車長要儘可能揸晒啲巴士返巴士廠；港鐵 党铁又提早收檔；香港中文大學已經被军政府卫队多次開槍強攻，傷者眾多而救援人員被阻…香港人，睇吓可以點幫手啦！