【臺灣巴士】煞唔切車撞巴士 巴士轆過人險死

臺灣嘉義市消防局2019年11月27號1412時接獲報案，當地林森西路同民生北路交界有一架嘉義客運快捷巴士系統嘅巴士同一架「綿羊仔」電單車碰撞，49歲郭姓女騎士被捲入巴士底下，急需搶救。

消防救護人員趕抵現場，發現女騎士下半身被巴士右後轆壓住郁唔到，加上涉事嘅係低底盤巴士，消防救護人員立即使用千斤頂等，慢慢將巴士撐高救人。

怵目驚心的大車與機車車禍現場傷者及時由東區分隊及第一分隊同仁合力救出雖一時失去生命徵象但到院後成功ROSC希望大家為傷者集氣!祝福她平安出院~~~#大車視線盲區#騎車離大車越遠越好

Posted by 嘉義市政府消防局 on Wednesday, November 27, 2019

女騎士一度呈現「到院前心肺功能停止」狀態，消防救護人員隨即持續以心肺復甦法急救，並送往嘉義基督教醫院，女騎士之後恢復生命跡象，但仍然未脫離生命危險。

臺灣嘉義警方指，嘉義客運劉姓巴士車長當時揸巴士喺林森西路西向東行，去到民生北路交界右轉，準備繼續去北興陸橋時，疑似「綿羊仔」電單車郭姓女騎士收唔切掣撞上巴士，女騎士連人帶車倒地，劉姓巴士車長緊急停車，但一落車就發現女騎士已經被巴士壓住。