香港近月充斥社會抗爭行動，影響港鐵多條鐵路，港鐵更聲稱因設施受損而停駛部份路線及車站。
其中喺「大西北」地區嘅屯門，因為發展時著眼於以「輕便鐵路」為區內公共交通主要骨幹，當港鐵利用「被破壞」做藉口而停駛部份輕鐵路線或者暫時唔停某啲站，加上欠缺專門服務區內嘅公共巴士服務，居民就連出街買餸都可能要重新「騎牛」。
更甚者在於原來港鐵係連貼通告令乘客知道「唔使係度等輕鐵」都懶，直到區議會選舉塵埃落定之後，由新一批候任區議員出聲先至去受影響嘅車站拉膠帶、貼通告。
至於替代交通方面，當然唔可能真係叫屯門人「騎牛」啦！港鐵都係被新一批候任區議員「踢」先至有反應。
面對輕鐵614、614P號路線近來改動令部份沿線車站乘客難以出入，候任屯門區議員張可森同埋何杏梅就走去「踢郁」港鐵由12月2號加開K51號港鐵巴士上繁特別班次，路線如下：
富泰→聚康山莊→嶺南→彩暉→兆康西鐵站 （清客）→景峰→鳳地站→兆康西鐵站
係呢~點解現任嘅古漢強議員唔去爭取嘅？任期去到2019年12月31號㗎喎！
Be the first to comment