九巴廠內搞開倉 膠牌散貨多人搶

是咁的，近來九巴開設咗一系列自家產品開賣，為咗開拓 巴膠 巴士迷以外嘅市場，當然就伙拍返母公司個母公司，去返啲大商場開期間限定店吸引街坊。

只不過呢~有啲嘢「有市場價值」得嚟，但又唔方便拎出街擺賣…咁就造就咗車廠期間限定發售點喇！

美其名叫「九巴員工購物日」，其實都可以話係散貨。今次就喺荔枝角車廠，主力當然係諗住以低至七折推走啲1:76模型啦！

嗱，重點唔係講上面嘅嘢…

今次最正係將九巴以前用嘅「膠牌」拎出嚟賣：號碼牌150蚊、地點牌250蚊，唔分紅黑。

抵唔抵就各花入各眼喇，但聞說就掀起一股 搶掠 搶購潮，唔知九巴有無得加推呢？

（以上照片撮自whatsapp巴士佬群組）