當傳統遇上傳統 香港電車 x 百味堂月餅

即係咁講，中秋節食月餅已經係大家一年一度覺得理所當然嘅事，作為香港百年老店香港電車之前就已經曾經推出過電車品牌月餅🥮。

中秋佳節伙「望月」 電車月餅添喜悅

時隔兩年，蒞到2022年嘅中秋佳節，香港電車再次伙拍食品品牌推出咗新一款嘅月餅🥮，而今次係搵到精於製作甜品輕食茶飲嘅「百味堂」，製作出🍵茶味嘅月餅🥮畀大家共度佳節。

今年銳意建立品牌形象嘅香港電車，喺今次嘅聯乘月餅🥮包裝使用咗獨特嘅設計，外盒設計成類似手袋嘅硬紙盒，盡顯優雅，完全適合「藝 / 偽文青」拎出街打卡用。盒入面總共有2款合共6個月餅🥮：

• 迷你🍵焙茶月餅🥮 x 3
• 迷你🍵綠茶月餅🥮 x 3

或許好似香港電車所講，佢哋服務港島超過一個世紀，承載著乘客無數嘅回憶，中秋佳節，大家不如放低平時嘅煩惱，拎起個月餅🥮、飲返杯茶🍵，細味回想一下自己可以同人分享快樂。

今次香港電車搵百味堂做嘅🍵茶味月餅🥮，可能一次過滿足晒2個願望？話說某人懶起上嚟就諗起呢個問題：

究竟可唔可以搣啲🥮月餅皮出嚟沖水當茶飲呢？🍵

（唔該收起你啲幻想）

臨尾都要講返聲：雖然傳統上喺中秋節會點吓蠟燭，不過為安全起見大家不如換返做電燈籠啦！更加唔好「煲蠟」呀！