Adidas FIFA 世界盃 The Yard 巴士巡遊

就算唔係足球 FANS 都知道世界盃呢個四年一度嘅盛事。分組賽將近完成，呢股熱潮定必延續到7月20日。作為多國球員裝備供應商嘅 Adidas，當然乘勢推廣，除咗响尖沙咀海港城舉辦活動之外，日前就舉行巴士巡遊。

多部披上選用 Adidas 裝備嘅國家隊 (德國、阿根廷、西班牙、墨西哥) 彩繪廣告嘅巴士，穿梭於九龍區多處，為熾熱嘅氣氛推上另一個高峰。

巡遊分為兩節進行。第一節 13:00 – 15:00 啟德→土瓜灣→黃埔→九龍公園徑→海港城 →尖沙咀1881；
第二節 15:30 – 19:00，梳士巴利道→西九文化區→ 彌敦道→旺角大球場→彌敦道→海港城→北京道

成個巡遊的確可以推動世界盃嘅氣氛，不過有件「蝦碌事」─ 德國隊標誌反轉咗。唔知一眾德國隊 FANS 會有乜嘢反應呢??