為咗加強喺商用電動車市場嘅估有率,台灣嘅電動車生產商鴻華先進(Foxtron)喺「2024年鴻海科技日」上首次推出全新嘅 Model U 電動小型巴士,專門為商務接駁需求,提供多種唔同嘅配置選擇。

Model U 嘅車身尺寸係6,990×2,080×2,650毫米,軸距為3,995毫米。外觀設計延續咗已經喺台灣各地行走嘅電動單層巴士 Model T 嘅簡約科技風格,強調設計純粹嘅美學。車頭擋風玻璃向上傾斜嘅造型,可以減低風阻,用喺電動車上更加有效提升能量損耗。配備 LED 頭燈同大面積嘅黑玻璃車窗設計,加強車內嘅視野同明亮度。而車尾就採用對開式「觀音屝」尾門,設計精緻。

內部方面,Model U 將駕駛室同乘客區分開,車廂設備將提供公務、商務、露營等多種主題選擇。喺「2024年鴻海科技日」上嘅展車內配有四張獨立高級座椅,車尾設有後排梳化區,仲設有獨立控制介面同多媒體螢幕,提供咖啡機同迷你酒吧等方便設施。駕駛室則配備12.3吋數位液晶儀表同15.6吋中央觸控屏,並設有電子後視鏡(CMS)。

而喺動力方面,Model U 嘅底盤使用輕量化嘅鋁合金為材料,減輕咗多達 626 公斤嘅重量,最大續航里程可達 275 公里,而且仲提供多種唔同嘅電池容量選擇。安全設備方面,就配備咗ACC、LKA、LDWS、FCWS、AEBS同BLIS等先進輔助系統。

隨住新能源商用車逐漸成為加入市場,台灣各大城市中,包括 Model T 在內嘅大型電動巴士已經越來越普及。今次推出嘅 Model U 電動小巴唔單止尺寸更小巧,仲提供多變嘅車艙配置,以滿足唔同客戶嘅需求,應該可以為 Foxtron 開拓廣大商機。
Be the first to comment