香港男歌手、演員、舞蹈員盧瀚霆（Anson LO Hon-ting，外號「教主」），喺2018年5月參加由ViuTV主辦嘅《Good Night Show 全民造星》，成為5位「Eye catching idol」之一，晉身香港男子組合MIRROR嘅成員。佢喺2019年12月《全民造星II》中獲得「專業大賽冠軍」、2020年2月29號推出首支單曲《一所懸命》以個人身份正式出道。
盧瀚霆嘅支持者（外號「神徒」）近年都有包起一啲公共交通工具嚟賀「教主」生日，嚟到2023年都唔例外：
盧瀚霆國際後援會為「教主」2023年生日再次包起公共巴士，仲藉此發起慈善活動——推出【Anson Lo & Sontos Keep Giving • Keep Loving 人力車觀光巴士免費乘車日及慈善紀念車票】。
盧瀚霆國際後援會舉行呢次活動最大目的係希望為市民大眾譜出一片粉紅歡樂以及和諧氣氛，用行動傳遞愛心，畀大家喺受惠之餘亦同時回饋社會。
除咗喺「教主」生日當日舉辦「人力車觀光巴士免費乘車日」，與此同時亦同城巴首次聯手合作推出「『教主』生日主題慈善紀念車票」，慈善紀念車票設有2款唔同設計，分別係「平日車票」、「星期六日車票」，售價都係港幣280蚊，限量共2800份，售完即止。
慈善紀念車票可以喺指定日子無限次乘坐人力車觀光巴士路線，而所有收益扣除成本將會捐畀10間慈善團體，希望為社會出一份綿力：
- CCF兒童癌病基金
- 無家者同行
- 點滴是生命
- 阿棍屋
- 大樹下
- 連寵拯救隊
- 香港救兔之家
- 環保觸覺
- 綠領行動
- 長春社
【Anson Lo & Sontos Keep Giving • Keep Loving 人力車觀光巴士免費乘車日】
- 日期：2023年7月7日（星期五）
- 路線：城巴 H1 及 H2 路線
- 盧瀚霆國際後援會「教主」生日主題拉花以及盧瀚霆最新單曲《Nah》主題拉花巴士指定班次：
- 中環開出：
- 1400
- 1500
- 1700
- 1800
- 尖沙咀開出：
- 1530
- 1630
- 1830
- 1930
- 中環開出：
盧瀚霆國際後援會「教主」生日主題拉花嘅人力車觀光巴士（型號：Enviro500，車隊編號：5552，車輛登記：RK4712）就已經喺2023年6月29號首航，行走人力車觀光巴士1800時由中環天星碼頭開出去尖沙咀半島酒店嘅H1號路線。
消息指「教主」生日主題拉花嘅人力車觀光巴士係會喺去到尖沙咀半島酒店之後，係會再執行返去中環天星碼頭嘅班次。不過喺到達總站之後，車長巡車發現…
車廂有污穢物，要返巴士廠處理
（唔好問實際係乜）
如是者本來可以行多一程，結果就無咗喇！另外嘅盧瀚霆最新單曲《Nah》主題拉花巴士，就去到截稿嗰陣都仲未搞掂，大家畀少少時間巴士廠嘅員工做佢哋嘅工作啦！
【Anson Lo & Sontos Keep Giving • Keep Loving 人力車觀光巴士慈善紀念車票】
- 發售日期：即時起（限量2800份，售完即止）
- 乘搭日期：2023年7月3號到8月31號（7月7號、7月23~26號除外）
- 售價：港幣280蚊
- 適用路線：所有H1 及 H2
- 每張訂單訂購數量不設上限。
- 領取車票地點：可以選擇去城巴金鐘顧客服務中心或中環(天星碼頭)人力車觀光巴士服務站，請留意服務中心開放時間。
- 領取車票日期：2023年7月3號到8月31號。
- 選購及填妥訂購資料後所有更改一律收取港幣100蚊行政費用
全日票條款及細則：
- 憑全日票可以喺車票背面蓋上嘅使用日期當日，無限次乘搭城巴人力車觀光巴士H1及H2 路線
- 乘搭人力車觀光巴士時必須出示全日票
- 全日票只限同一位持票人使用，並不得轉讓予其他人士
- 全日票不可退款、兌換現金及不能轉售
- 遺失或損壞之全日票將不獲重發
- 若開篷人力車觀光巴士因機件故障、惡劣天氣或其他原因影響而未能行駛，城巴保留安排其他空調巴士繼續行程之絕對權利。城巴亦有絕對權利隨時因交通、天氣或其他因素對服務時間、班次、路線、巴士站位置作出改動而不另行通知。任何因上述或其他原因引致乘客蒙受任何有關損失，城巴概不負責賠償，亦不承擔任何責任
- 城巴保留隨時終止或更改此等條款及細則之絕對權利，而不另行通知
- 如有任何爭議，城巴保留最終決定權
- 車票有效期至2023年8月31號
2 Trackbacks / Pingbacks