香港特區成立26周年免費搭車船鄧炳強：實在開心實情：hi auntie！

2023年7月1號係香港所謂「回歸」26週年，政府同商界推出一系列優惠，包括免費開放政府康樂文化設施，以及一系列交通優惠。

港鐵

港鐵喺2023年7月1號當日透過「MTR Mobile」智能電話流動應用程式推出抽獎，送出「7.1萬張」免費單程車飛以及26張全年免費車飛，號稱獎品總值超過250萬港元——但唔包括機場快綫、高鐵，以及東鐵綫頭等、羅湖站及落馬洲站。

同時，港鐵表示為咗慶祝「7.1回歸暨輕鐵35週年」，港鐵旗下嘅輕鐵以及港鐵巴士服務亦喺2023年7月1號全日免費——但「港鐵巴士」係唔包括東鐵綫範圍嘅接駁巴士。

港鐵安排乘客喺當日進出輕鐵站或者登上港鐵巴士嗰陣唔需要拍卡或者繳付車費。港鐵指，因為適逢2023年係輕鐵服務踏入35周年，港鐵公司希望無論係屯門、元朗、天水圍一帶或區外嘅市民，都可以趁「特區成立」26週年嗰日，隨心乘搭輕鐵，以茲慶祝。

但其實唔少乘客對港鐵嘅呢個免費搭車安排：

嗤之以鼻

香港輕便鐵路第一期係1988年9月18號通車，如果港鐵係有心紀念「輕鐵35週年」就應該2023年9月中搞活動，而唔係揀7月1號；
其實本身搭西鐵綫就已經係可以同一收費區內免費乘搭接駁嘅輕鐵同埋港鐵巴士。

電車

香港特別行政區成立26周年之際，香港中國企業協會聯同會員企業舉行年度「中企服務進社區」系列活動，同市民「一道同心同慶共創未來」。

作為系列慶祝活動嘅啟動項目之一，香港中國企業協會攜手旗下會員企業舉辦免費乘搭香港電車活動。2023年7月1~5號香港中國企業協會聯同中國銀行（香港）、招商局集團、華潤集團、中國旅遊集團暨香港中旅（集團）同搵中國太平保險集團隆重舉辦「『同心同慶，共創未來』香港特別行政區成立26周年暨中企服務進社區電車免費乘車日」活動，邀請全香港市民喺嗰連續5天期間無限次免費乘搭全線普通載客電車。

免費乘搭電車活動啟動儀式由香港政務司司長陳國基、香港中聯辦副主任尹宗華、香港民政及青年事務局局長麥美娟、香港中國企業協會會長、招商局集團董事長繆建民、華潤集團董事長王祥明、中旅集團董事長陳寅、香港中聯辦經濟部部長徐衛剛、香港中國企業協會副會長兼總裁于曉、中國太平保險集團副總經理李可東、中國銀行(香港)副總裁陳文擔任主禮嘉賓，為活動主持啟動亮燈儀式。

陳國基致辭表示，中企協會扎根香港超過30年，一直致力促進香港工商業發展，推動香港同內地以至世界各地經貿往來，團結喺香港嘅中資企業，同特區政府攜手並肩，發展經濟、改善民生。憑著社會各界同埋政府齊心協力，香港已經踏上「全面復常」之路，各式各樣嘅經濟以及民生活動都重拾動力。活動既有助加強城市氣氛，亦彰顯中企協會同埋中資企業作為建設香港嘅中堅分子，積極回饋社會嘅熱誠。

繆建民致辭表示，香港特區成立26周年之際，香港中國企業協會開展活動，參與企業超過500間，希望通過社區服務活動，提升市民嘅獲得感同埋幸福感。香港正係邁向「由治及興」新征程，香港中國企業協會將團結、凝聚廣大駐香港中資企業，服務香港所需，支持中資企業將發展成果同全香港市民共享，為建設一個更加和諧穩定，繁榮富強嘅香港而不懈努力。

唔使問大家都應該會知道事實點會咁美好，早喺呢5日之中嘅第1日就已經多生事端，喺電車沿線嘅旺區，例如中環、灣仔、銅鑼灣一帶，唔少電車站一早就已經逼滿人，多謝晒嗰啲「依食附侮」——引致喺唔少電車站發生推撞、更加發生多宗本地乘客被夾硬由電車車廂拉返落地面嘅「惡性事件」——令到本身一早就已經需要依賴乘搭電車出街嘅香港本地市民深感憤怒，而近年越嚟越罕見嘅高消費海外遊客，見到如此情景更加諗到：