東涌城巴嶼巴碰撞 玻璃粉碎幸無人傷

2023年4月2號下晝2點幾，新大嶼山巴士嘅1架MAN LE 19.320單層巴士（車隊編號：MN95，車輛登記：TU1242）喺東涌港鐵站巴士總站被1架城巴12.8米版本Dennis Trident E500型雙層巴士撞到右側車身。

現場消息指嶼巴單層巴士嘅右邊車身有玻璃粉碎，但未收到有人受傷嘅報告，不過2架巴士阻礙咗其他巴士入站，有龍運嘅雙層巴士到站嘅時候需要倒車離開。

警方喺接到報案之後派出警員到場作出簡單紀錄之後，指示涉及車禍嘅2架巴士泊埋一邊再作詳細紀錄。

清潔工人亦迅速帶同工具，清理遺留喺行車路上面嘅玻璃碎，東涌港鐵站巴士總站好快就恢復通車。

（以上由「路過嘅東涌居民」提供）