首架 11.7 米 MAN A95 巴士正式出牌！

早喺2021年12月1號至5號，赤鱲角機場亞洲博覽館舉行咗「香港國際汽車博覽 IMXHK2021」，當時可以話係香港首次規模盛大嘅室內商業車展。

當時其中一個矚目焦點，可以話係全港（甚至係全球）首架 11.7 米 MAN A95 巴士，先唔講香港人聽唔慣「compact」譯做「緊湊」，佢最大嘅賣點，就一定係喺駕駛室嘅電子倒後鏡系統——佢應該係香港境內首架，亦係暫時唯一一架擁有電子倒後鏡嘅巴士。

配有電子睹後鏡 MAN A95 11.7m 雙層巴士

MAN Truck & Bus 喺香港業務由德國廠方直接主理之後，近年積極拓展專營巴士市場。除咗繼續同長期巴士車身合作夥伴馬來西亞順豐客車 Gemilang Coachwork 供應巴士畀香港之外，更加試圖針對「山多路彎」路段，設計同埋製造出呢架以 ND363F 底盤為基礎嘅雙層巴士，冀業務找出突破點。

呢架由德國 MAN Truck & Bus 製造嘅A95 11.7米巴士，採用Lion City DD Facelift 車身，車廂同底盤使用緊湊型設計，令車身長度縮短到11.68米，更適合香港山多路窄嘅路線使用。配有先進嘅 D2066 渦輪增壓柴油引擎同ZF 六前速自動波箱，行車順暢同高效率。

MAN ND363F Gemilang Lion’s City DD 11.7米 雙層巴士

巴士上亦有一啲安全同舒適裝備，例如ABS煞車系統、電子穩定性控制、自動氣壓控制空調同舒適嘅 Volgelsitze 座椅設計。而呢部 A95 11.7 米巴士亦搭載咗Smart Vision電子倒後鏡系統，用高清攝像頭同智能算法提升駕駛員嘅視野同安全性。呢種科技都可以減少盲點同駕駛員嘅視疲勞，提高整個巴士系統嘅運營效率同安全性。

承蒙MAN Truck & Bus對巴士台嘅信任，巴士台早喺2022年初就已經拎過呢架11.7 米 MAN A95 巴士出街拍攝測試片段，展示佢喺設計上點樣可以緊貼香港嘅需求。

不過即係咁講，大家睇開巴士台或者都應該聽聞過，香港運輸署對於車型檢定係幾咁嚴苛，嚟到香港等咗接一年半嘅時間，經過咁多次嚴格而繁複嘅驗車程序，終於通過咗所有測試，MAN 嘅A95 11.7米雙層巴士終於喺2023年3月20號出牌：

YN331

隨著呢架巴士正式加入香港公共交通系統，相信將會為乘客提供更加舒適同安全嘅旅行體驗，同時亦會帶嚟更高效率同可持續發展嘅公共交通系統。