【香港電車】韓式炸雞店致力擴張 租用電車巡遊宣傳

韓式炸雞係韓國人嘅國民級美食，「Chimac치맥」將經典甜辣、洋蔥芝士、蜂蜜焦糖以及蔥蒜醬油等口味呈現畀食客。炸雞配啤酒亦深受食客喜愛，「Chimac치맥」就將呢個韓國文化完整咁帶咗嚟香港。

早前情人節，「Chimac치맥」邀請咗藝人「Isabella群姐」擔任「女神」，更加同一班支持者一齊食炸雞放題，場面熱鬧，相關特別限量版MEMO PAD更加火速換罄。

為咗慶祝整個宣傳企劃大成功，加上適逄「三八婦女節」同埋「白色情人節」，「Chimac치맥」喺2023年3月12日搵埋「Isabella群姐」參加嘅電車巡遊慶祝會！

「Chimac치맥」今次向香港電車租用#128電車，下晝由西環去銅鑼灣再返去西環，沿途市民仲可以一睹「Isabella群姐」頭戴后冠、身披斗篷嘅風彩！