【港鐵】又有列車撞甩門 今次又賴係咩起因好呢？

2022年11月13號朝早9點幾，港鐵荃灣綫一列往中環方向列車，喺駛入油麻地站2號月台嗰陣，頭卡有兩組落車門甩咗。

現場消息指，事發時列車正減速埋站準備停低，但頭卡突然發生「車輪未有跟隨路軌行走」嘅情況，即係「出軌」，右邊撞到月台幕門附近嘅凸出物件，有兩組車門應聲脫落。

據悉，當局接報後已經派出消防員到場，睇下有無需要協助港鐵處理事故。

荃灣綫來往佐敦站及荔景站嘅列車服務暫停，港鐵正安排T8號路線免費緊急接駁巴士，乘客亦可考慮使用其他路面公共交通工具。

（照片綜合自各突發事故通訊群組）