台製右軑 MODEL T 電動巴士

一部右軑版本台灣鴻華先進科技生產嘅 MODEL T 電動巴士，由昨日起停泊於建益汽車工業位於桃園市嘅廠房外，進行整備工作。

鴻華先進科技係海集團同裕隆集團嘅合資公司，以「MIH電動車開放平台」喺台灣生產由本土設計、開發同生產嘅電動車。而 MODEL T 電動巴士就係鴻華先進科技旗下首款商用車。

MODEL T 全長12米，闊2.5米，高3.4米，係一部標準尺寸嘅大型單層城市巴士。巴士公司可以選購 200、300，或者 400kWh 三款容量嘅電池，而充電系統就採用 CCS1 規格，支援直流 130kW 快充。MODEL T 配有電子倒後鏡，同埋車道偏離警示等嘅安全系統，而部車亦都符合美國聯邦運輸管理局法規標準，並且已經完成200,000 公里，同1,000 小時以上嘅行車以及強度測試。首批量產車已經陸續喺高雄24區間路線，同台北智慧城市展接駁巴士線投入服務。

講返相中呢部右軑版本，估計將會運往海外。據台灣巴士迷之間嘅討論，呢部右軑版 MODEL T 電動巴士有可能會運到香港或者日本進行測試。