九巴鑽石山壞車 堵站阻乘客搭車

2021年3月17號朝早8點幾，鑽石山荷里活廣場下面嘅鑽石山站公共運輸交匯處，因為1架九巴Dennis Enviro 500 12米版本雙層巴士喺總站出口懷疑「波箱故障」，死火未能啟動，現場巴士塞死喺總站有入無出，途經巴士班次受阻。

由於正值返工繁忙時間，大批趕住返工嘅乘客受阻，巴士車長隨機應變，紛紛改為喺總站外馬路接載乘客。

至於故障嘅巴士，要去到近10點先至由九巴工程車拖走，有網民笑言「反正現場咁多人，係趕返工嘅齊齊推開架巴士都得啦！」換轉係你又會唔會為趕返工推開壞咗嘅巴士？