九巴「冷馬」復開窗？ 已經變返做「梗窗」！

話說因應新型冠狀病毒（武漢肺炎）喺全球肆虐，九巴聲稱為照顧乘客對車廂空氣嘅關注，所以改裝旗下雙層巴士部分車窗，加設可以人手打開嘅氣窗，號稱加強自然風流通，減低疾病傳播風險。

九巴喺3月11號向傳媒展示2款完成改裝嘅巴士，分別是富豪B9TL、亞歷山大丹尼士E500 Trident，並指巴士上、下層合共4個位置嘅玻璃窗上方，會增設橫趟式通風口，乘客有需要時可選擇打開通風口畀巴士外嘅空氣進入車廂。

當九巴推出呢一個所謂通風口措施嘅時候，有某啲 19 時事評論員仲沾沾自喜咁話九巴有聽從佢嘅意見，利用呢種「復古」方式增強巴士車廂空氣流通。

不過事隔2個月，九巴呢一批新安裝嘅玻璃窗上通風口，已經開始變返做「梗窗」。

究竟點解九巴會「覺今是而昨非」？會係因為擔心有乘客為開窗定閂窗而嘈交？定係因為擔心「走冷氣」或者落雨入水浸濕車廂呢？