天氣變幻狂風舞 柴廠棚架被吹倒

2020年5月11號晚，香港多區受狂風暴雨侵襲，香港天文台多次提醒市民需要搵安全地方暫避，並且一度發出黃色暴雨警告。

當晚近10點半，有柴灣區居民發覺早前圍板搭棚開始拆卸嘅前中巴柴灣巴士廠，其中一面棚架被風吹倒，事發後警方一度派員揸車巡視。

到5月12號朝早，本台再收到現場實況相片，可以見到面向新藝工業大廈嗰一邊嘅棚架有一半反咗落嚟。

基於今次棚架倒冧事故並唔係跌落地盤外公眾道路，柴灣道暫時未有封路措施。

中巴柴廠瀕拆卸 包圍工程正做嘢