九巴荔廠反巴士 陽光「老闆」瞓地先

2019年12月27號中午時份，巴士車長whatsapp群組流傳緊一啲照片，清楚睇到前九巴――現屬於同集團陽光巴士――Neoplan Centroliner（KR6768），喺荔枝角車廠頂瞓低曬太陽。

警方表示，下晝大約兩點半有九巴職員報案，指一架巴士大約中午12點喺車廠入面翻側，警員到場了解後，初步知道巴士原本應該由一名24歲兼職員工駕駛，但事發時負責駕駛嘅司機變咗係另一名32歲員工，現正調查事件起因。

九巴回覆香港電台查詢時表示，會嚴肅處理事件，涉事員工已經被停職，並展開紀律調查。對於點解事隔2個幾鐘頭先至報警，九巴就表示無嘢補充。