巴士轉彎要偷位 千祈唔好亂楔位

11月25號傍晚時分，灣仔道轉入天樂里嘅路口發生咗一宗輕微交通意外，導致現場嘅幾條馬路同埋電車路線受阻。

由whatsapp巴士車長群組收到嘅照片可以睇到，當時一架私家車嘗試喺一架右轉嘅城巴嘅右邊車身楔位穿過，好明顯私家車司機唔知道公共巴士咁大架車，要轉彎嘅時間就需要「偷位」，導致巴士「回軚」嘅時候就會將佢夾咗係馬路邊同埋巴士車身中間。

喺呢度奉勸各位司機大佬，其實唔止公共巴士，其他大型車輛包括消防車、泥頭車、貨櫃車等，有時去到彎位都要攞出少少「偷位」，千祈唔好趁住佢彎心有空位就自己楔位入去喇！