香港警察，你的名字是驚嚇

話說近日睇到一則貼文，內容是咁的：

話說有一日傍晚搭緊巴士返新界，雖未至於頂閘，但都有人企。當巴士行到龍翔道過咗鑽石山站，就到蒲崗村道天橋司機突然停車，當刻間心諗「唔係 黑警 Roadblock 查車搵囡囡返去先姦後殺再棄屍呀嘛……」驚魂未定之際，原來下層有一位婆婆唔小心跌倒，司機話要打 999 call 救護車。

跟住突然間有乘客大叫「打 999？即係 黑警 會嚟呀！唔該司機開門吖，我要走呀，唔想俾啲死黑警打呀」

司機猶豫之際，有一個乘客按下車門上方嘅緊急開門制。車門一打開，接近一半嘅乘客「九秒九」衝落車離開。

留响車上嘅人，其中有一位著校服的男生想上前照顧那位婆婆，有乘客慌忙阻止，異日同聲説：「差佬來緊，你著住校服好危險，快啲走呀！」說時遲那時快，坐在上層左邊嘅我從車窗見到有一位男士拉著嗰位學生奔跑離開。我就沒有離開，事關雖然著住件黑色衫，但其實係全套西裝，心中想著「個天要我死，我都無辦法」

大約十分鐘後，救護車到場。但沒有警察，大家終於鬆了一口氣。

毛澤東有一句金石良言：「世界上沒有無緣無故的愛，也沒有無緣無故的恨」， 當幾十人離奇失去生命、甚至游泳健將都會遇溺死亡，身為一個腦部正常嘅香港人見到 香港警察 點會唔得個驚字！