學生喪生惹眾怒 中區心臟被堵路

11月4號凌晨喺將軍澳尚德停車場三樓墜落二樓重傷科大學生周梓樂，經醫生搶救多日後，去到11月8號0808時證實不治死亡。香港有幾批市民喺多區上街表達憤怒，其中喺中區德輔道一帶，自中午企滿附近返工嘅市民，由於人數眾多，令馬路被堵塞。

唔少市民企喺德輔道、畢打街、遮打道交界一帶，令各條行車線同電車軌無法通車，有巴士需要掉頭離開。

面對呢種情景，當局唔敢怠慢，迅即調派多車人力到場「戒備」，暫時情況係曾經派員落車視察，捉咗一個學生，未有進一步行動。

現場交通喺大約1520時恢復。

(以上照片撮自whatsapp幾個車長及突發事故群組。)