【渡輪】客量不足 天星小輪再提早「收船」

早前報道過，因為新型冠狀病毒（武漢肺炎）肆虐，提供香港港內渡輪服務嘅老牌公司天星小輪已經陸續縮減航班。

【渡輪】疫情嚴峻 天星小輪減班再閂下層

另外，由於喺運作上，天星小輪嘅船長同栓繩嘅水手都喺渡輪下層客艙工作，為咗減少同公眾人士接觸以降低感染風險，天星小輪公佈會由2022年2月28號開始，暫時關閉中環←→尖沙咀航線嘅渡輪下層客艙，而期間天星小輪只會向乘客收取較低廉嘅下層船艙船費。

不過，因為政府多項「防疫」政策嚴重打擊香港人正常生活，公共交通機構面臨乘客量「清零」，天星小輪喺2022年3月10號中午時份公布，由翌日開始再次縮減服務時間：

傍晚7點幾已經無天星小輪「過海」，無疑顯示出香港社會係幾咁「蒼涼」 T_T