【香港電車】香港電車提出2025年加價申請

香港電車有限公司（下稱「香港電車」）喺2025年2月11號表示已經向香港運輸署提交票價調整申請，以確保具標誌性嘅電車服務得以長遠營運以及發展。

根據香港電車嘅建議，電車票價將會作以下調整：

香港電車表示公司近年持續喺營運以及改善服務質素上投放大量資源，包括大幅調整前線車長以及技術人員嘅薪酬水平，以更貼近現時香港勞動市場需求，同時分階段更新電車車隊、路軌以及車載系統等基礎設施，提升服務嘅安全度以及可靠性。

現時香港電車嘅乘客量仍然未完全恢復到疫情前水平，如今香港電車嘅乘客量唔及得上2018年嘅85%，票務收入一直係香港電車嘅主要收入來源，同商業合作項目帶嚟嘅非票務收入相若。

香港電車面對營運成本攀升、必要保養項目以及車隊翻新，財政緊絀。香港電車表示，2025年嘅票價調整將會主要用返落去配合保育標準嘅車隊翻新工程，香港電車會另外拓展非票務收入項目，以確保能夠持續營運同埋發展香港電車嘅服務。

香港電車重申，即使票價調整後，香港電車仍然係香港最經濟實惠嘅公共交通選項。

香港電車旗下系統擁有全球最大規模嘅雙層電車車隊，120年以嚟既係香港市民日常出街通勤之選，由通車至今都係由電力驅動嘅香港電車，亦係香港道路上最環保標誌性文化遺產。

致力秉持「香港製造（Made in Hong Kong）」嘅香港電車唔單止係公眾嘅日常交通工具，更加係承載香港呢個城市文化同埋歷史嘅流動地標。為咗延續落去，香港電車喺保育以及翻新車隊嘅過程當中，所需要嘅專業工藝同埋技術要求遠高於香港其他一般交通系統嘅維護標準。

香港電車承諾將會繼續致力為全香港市民提供安全、環保、便利嘅公共交通服務，同時履行保育呢項重要香港歷史文化遺產嘅社會責任。

以上所講嘅香港電車票價調整會喺2025年2月21號朝早10點由香港立法會交通事務委員會會議討論，與其用聳動嘅言詞去講「嘩，香港電車加價1成喎！」、「加人工個比例都無香港電車加價嘅幅度咁高！」，不如大家倒返轉頭細心啲咁諗下：

其實大家有幾多時候真係有走去實際支持呢一間同香港一齊過咗兩個甲子嘅老店？

每程加價3毫子…香港電車唔值得擁有？

【香港電車】行政會議批准加價「加幅比率」遠超通脹又如何？