各位鏟屎官、毛孩主人同巴士迷請注意，九巴又搞新意思！九巴Pet Bus 「寵物巴士團」至今已經成功接載過近三萬次寵物同主人出巡，早已成為寵物界嘅出行神器。今次九巴再把「人寵共融」玩大佢，宣佈再度與 Sanrio Hong Kong 合作，請嚟深受大小朋友喜愛、性格友善又鐘意交朋友嘅金毛尋回犬男孩 Pompompurin（布甸狗） 化身「九巴寵物巴士宣傳大使」！
由 9月起，全港將會被布甸狗同可愛毛孩佔領，因為除了有限定主題寵物巴士穿梭各區，11月更有全港首個人寵大型跑賽同嘉年華，各位寵主係時候準備幫主子換上新領巾去西沙 GO PARK 放電喇！
黃色風暴來襲！Pompompurin 登上九巴 隨時陪主子搭車打卡
鐘意到處探索嘅 Pompompurin 會喺今年 9月至 11月期間擔任宣傳大使。九巴今次特別推出限定 Pompompurin 主題寵物巴士，行走多條寵物巴士路線。
車廂內除咗設有超可愛嘅主題裝飾，仲配備咗專屬打卡道具，布甸狗更有機會親自「跳上車」同各位毛孩一齊坐巴士遊香港！各位主人搭車時記得幫主子影多兩張靚相，上載到 APP1933 嘅「寵物巴士 時光留影 Memory Lane」，向全城閃爆你同主子嘅甜蜜時刻！
11月8日重頭戲：西沙 GO PARK 首個人寵 Fun Run！
今次聯乘嘅最激重頭戲，莫過於 11月 8日（星期六） 喺西沙 GO PARK SPORTS 舉辦嘅「九巴寵物巴士‧Pompompurin 親子寵物跑」！
今次賽事專門為人寵同樂而設，分為 1500米同 800米距離，組別包括「個人組」、「朋友及親子組」以及最受矚目嘅「寵物組」：
- 寵物組（800米）： 主人可以同愛寵一齊踏上跑道，沿途不單止有主題裝飾俾你地打卡，仲要一齊挑戰趣味障礙賽，考驗你同主子嘅默契！
- Cheer with Pompompurin： 身為大使嘅布甸狗當日會親臨現場打氣。想同布甸狗超近距離接觸？報名時記得選擇限定套票「Cheer with Pompompurin」，名額有限，布甸狗迷千祈唔好錯過！
所有完成賽事嘅勇者（不論係人定毛孩）都可以獲得專屬嘅完成紀念獎牌！
搶頭雞有禮！主題 Q 版巴士模型免費送
賽事於 8月 17日起 喺 FUN RUN 活動網站http://petbusfunrun.kmb.hk同 Klook 開放報名。各位注意：首日報名嘅參加者，可以額外獲得「寵物巴士‧Pompompurin 主題 Q版巴士模型」一部！ 絕對係巴士迷同 Sanrio 迷嘅夢幻收藏品！
每位參賽者仲可以拿到極之豐富嘅跑手包，內容包括：
- 活動主題 T恤、Pompompurin 獎牌
- 紀念毛巾、襪子或運動護腕、透明袋
- 毛孩專屬裝備： 寵物領巾、拾便袋等，貼心照顧到主子嘅需要！
不設體重限制！人寵同樂嘉年華 ✕ 限定店首賣萌寵裝備
就算唔打算跑步，當日嘅嘉年華都一樣值得一去！GO PARK SPORTS 網球場會變成歡樂嘉年華，不論係有寵定無寵家庭，全齡層都歡迎玩樂：
- 主題打卡位與遊戲攤位： 玩遊戲贏禮品，現場仲有超大型 Pompompurin 主題巴士充氣彈床，放電一流！
- 九巴限定店（首賣爆款）： 即場選購全系列 Pompompurin 聯乘精品，除咗模型、寵物床、貓抓板、四季被之外，「寵物胸背帶」、「寵物萬用墊」同「寵物碗」更是全港首次發售，設計美觀兼實用，讓布甸狗包辦主子嘅日常生活！
- 專業護理示範： 現場邀請嘉賓分享寵物護理與日常照顧知識，傳遞人寵和諧相處嘅訊息。
嘉年華現場不設任何寵物類型、體重同身高限制，不論係小巧嘅貓咪、倉鼠、蜜袋鼯，定係巨型犬，都可以一齊入場玩！Pompompurin 主題寵物巴士當日亦會停泊喺現場俾大家近距離拍寫真。
交通配套：乘搭寵物巴士直達現場
為咗方便大家同毛孩輕鬆出行，九巴喺活動當日特設接駁寵物巴士路線 PBPN（往返大學站及西沙 GO PARK）。各區寵主亦可以乘搭恆常寵物巴士路線 PB1 同 PB2 直達場地。「寵物巴士團」月票及七日票當日完全適用，幫大家輕鬆搞掂交通！
Be the first to comment