美國國慶250，貼部電車慶祝，準備禮物叫人任影

噚日美國國慶日，仲要250週年，當然大肆慶祝。除咗响美國國內之外，駐港總領事館亦隆重其事响電車車身及銅鑼灣電車站貼上主題 Freedom 250，採用美國國旗三色 ─ 紅白藍為基調嘅廣告。

而為求與眾同樂，美國駐港總領事館仲舉辦咗可謂「有圖有獎品」嘅活動 ─ 只要同「Freedom 250 主題」電車 (70號) 及銅鑼灣電車站嘅廣告影到張靚相，就有機會贏取禮品，入面有一罐 250週年牌 American Pale Ale 啤酒、咖啡杯、環保袋同白頭鷹公仔。

不過名額只得五個，仲要先到先得，當然必定唔夠分㗎喇。或者有請伊麗珠總領事考慮吓大量發行，應該會有唔錯嘅銷量。

但從美學嘅角度，個廣告又真係幾靚，點都值得影嚟留念。只不過大家記住影還影要注意安全，唔好阻到其他人同車，更唔好阻到電車行駛。始終電車係無軚盤，無得扭軚避㗎。